Wales Biodiversity Partnership

Coetir

Dyma'r dudalen wybodaeth ar gyfer Grŵp Ecosystem Coetir PBC. Mae gweithgareddau Grŵp Ecosystem Coetir yn ymwneud ag Adran 7 cynefinoedd â blaenoriaethau yng Nghymru , fel a ganlyn: Coedwig ffawydd ac ywen ar dir isel; Coedwig gollddail gymysg ar dir isel; Coedwig ynn gymysg ar dir uchel; Coedwig dderi yn yr ucheldir; Coedwig wlyb; Porfa goediog a pharcdir.

Mae cyfuniad o nifer o bethau, yn cynnwys lleoliad daearyddol, y ddaeareg amrywiol, y dirwedd a'r hinsawdd, wedi arwain at amrywiaeth drawiadol o gynefinoedd coetir yng Nghymru. Y nod yw gorchuddio mwy o dir ein gwlad â choetiroedd (o 9% i 14%). Mae coetiroedd Cymru yn cynnal amrywiaeth eang o gennau, mwsoglau a llysiau'r afu, ac mae cadarnleoedd telorion y coed, tingochion a gwybedogion brith o fewn y DU i'w cael mewn coetiroedd derw yng ngogledd a gorllewin Cymru.

Cynefinoedd Coetir â Blaenoriaeth yng Nghymru

St Fagans Wood

Mae’r Grŵp Coetiroedd wedi nodi ardaloedd â blaenoriaeth ar gyfer ymdrechion cadwraethol penodol yng Nghymru, a chânt eu rhestru isod. Mae’r mapiau hyn ar gael hefyd ar ffurf GIS. Defnyddiwch yr adran CYSYLLTWCH i wneud cais am y ffeiliau.

Daw aelodau’r Grŵp Coetiroedd o gyrff statudol, awdurdodau lleol ac elusennau bywyd gwyllt, a chaiff ei gadeirio ar hyn o bryd gan Chris Tucker, Cyfoeth Naturiol Cymru.A oes gennych gwestiwn yn ymwneud â gwaith y grŵp hwn? CYSYLLTWCH

Os hoffech chi gyflwyno bwlch tystiolaeth yn ymwneud â bioamrywiaeth neu ddull rheoli ar lefel yr ecosystem i’r grŵp hwn, cysylltwch â ni.

Os oes modd mynd i’r afael â’ch bwlch drwy weithgarwch ymchwil/prosiect ymchwil penodol, ewch i’r dudalen Prosiect Bylchau Tystiolaeth a chliciwch ar y ddolen ‘Ysgrifennu cwestiynau ar gyfer ymchwil wyddonol’

Yn ôl i’r brif dudalen ecosystemau