Digwyddiadau Wythnos Natur Cymru 5-13 Gorffennaf

Rydym yn brysur yn trefnu digwyddiadau ar gyfer Wythnos Natur Cymru! Dewch yn ôl yma’n rheolaidd i weld diweddariadau.

Ydych chi'n ystyried cynnal digwyddiad yn ystod Wythnos Natur Cymru? Neu efallai yr hoffech chi ddod i ddigwyddiad? Drwy wneud hynny, byddwch yn ymuno â chymuned natur, yn gwneud cysylltiadau newydd, ac yn rhan o ddathlu byd natur Cymru – a nid yn ystod Wythnos Natur Cymru yn unig, ond drwy gydol y flwyddyn! Mae ein sefydliadau partner yn cynnal digwyddiadau natur yn rheolaidd – a rheiny’n addas ar gyfer pob lefel o wybodaeth a gallu.

Gweler ein prif dudalen am awgrymiadau, ysbrydoliaeth a syniadau ar gyfer digwyddiadau, ynghyd â manylion ein holl gyfrifon cyfryngau cymdeithasol.

Rydym eisiau i gynifer o bobl â phosibl yng Nghymru ymgysylltu â natur. A hynny ar eich telerau chi, ar unrhyw adeg o'r flwyddyn. Gartref, yn y parc, yn eich ysgol neu'ch gweithle; mewn gwarchodfeydd natur, ar yr arfordir, ar dir neu yn y môr... Mae Byd Natur i Bawb.

Beth i'w ddisgwyl mewn digwyddiadau

Bydd rhywbeth i bawb – digwyddiadau i unigolion, teuluoedd a'r rhai sy'n newydd i fyd natur, ac i'r naturiaethwr mwy profiadol.

Cynhelir digwyddiadau Wythnos Natur Cymru bob blwyddyn yng ngwarchodfeydd yr Ymddiriedolaeth Natur a'r RSPB, gwarchodfeydd natur lleol a chenedlaethol, parciau a mannau gwyrdd cymunedol, ysgolion a safleoedd addoli, traethau ac ardaloedd arfordirol.

Mae digwyddiad nodweddiadol yn cynnwys taith gerdded wedi’i thywys ar safle natur. Bydd arweinydd arbenigol yn tynnu sylw at blanhigion ac anifeiliaid a phwysigrwydd y cynefin ac yn ateb unrhyw gwestiynau sydd gennych. Mae'r mwyafrif helaeth o'r digwyddiadau yn rhad ac am ddim*

*Efallai y codir tâl mynediad i ychydig o ddigwyddiadau. Mae hyn yn cefnogi'r gwaith gwerthfawr mae'r sefydliad yn ei wneud ar ran natur.