Partneriaethau Natur Lleol

Partneriaethau Natur Lleol

Gwnaed llawer iawn yng Nghymru i ategu mentrau natur lleol drwy waith Partneriaethau Natur Lleol (sef Partneriaethau Gweithredu’n Lleol ar Fioamrywiaeth (LBAP) yn flaenorol). Mae Partneriaethau Natur Lleol (LNP) yn elfen hanfodol wrth fynd i’r afael â’r argyfwng natur yng Nghymru ac mae cydgysylltydd LNP wedi’i drefnu ym mhob rhan o Gymru. Mae Partneriaethau Natur Lleol yn rhoi cyngor ar fioamrywiaeth; yn sicrhau cymaint o gyfleoedd ariannu a chydweithio ag sydd bosibl; yn grymuso grwpiau cymunedol i weithredu; yn targedu gweithgareddau ymgysylltu â chymunedau drwy ddefnyddio eu sgiliau a rhai partneriaid LNP. Maent yn bwynt cyswllt hollbwysig, ac yn gyfarwydd â chyfleoedd ac yn llais rhagweithiol dros natur yn eich cymuned. Maent yn ategu ac yn atgyfnerthu ymdrechion cenedlaethol i adfer natur, yn darparu cyd-destun lleol ac yn gweithredu ar raddfeydd daearyddol sy'n ystyrlon i gymunedau lleol.

Defnyddiwch y dolenni isod i gysylltu â’ch cydgysylltydd natur lleol.

Prosiect Partneriaethau Natur Lleol (LNP) Cymru

Yn 2019, diolch i arian ENRaW Llywodraeth Cymru rhoddwyd hwb i gapasiti rhwydwaith LNP ac arweiniodd hyn at sefydlu prosiect LNP Cymru oedd wedi’i neilltuo i hwyluso rhwydwaith adfer natur yng Nghymru. Bydd hyn yn helpu i wrthdroi dirywiad mewn natur, ymgysylltu â phobl a chymunedau, busnesau a gwneuthurwyr penderfyniadau gyda chamau ymarferol a chynllunio strategol ar gyfer Cymru iach, gydnerth a chyfoethog o natur. Gallwch ddarllen mwy ar wefan LNP Cymru.

Wefan LNP Cymru

Ariennir LNP Cymru drwy Grant Galluogi Adnoddau Naturiol a Lles yng Nghymru (ENRaW) Llywodraeth Cymru